- ट्रेण्डिङ :
पोखरा । पछिल्लो २४ घन्टामा कास्कीमा २०२ जनामा कोरोना पुष्टि भएको छ ।
यसै गरी गण्डकी प्रदेशभरी कास्की सहित ४६७ जनामा कोरोना पुष्टि भएको हो । पछिल्लो २४ घण्टामा प्रदेशभर १ हजार २६३ जनाको कोरोना परिक्षणमा ४६७ जनामा संक्रमण पुष्टि भएको स्वास्थ्य निर्देशनालयले जनाएको छ ।
प्रदेशभर गरिएको परिक्षणमा कास्कीका २०२ जना, नवलपुरमा १०४ जना, मनाङका २ जना, म्याग्दीका ३ जना, पर्वतका ६ जना, गाेरखाका ६० जना, लमजुङका ४० जना, तनहुँका ५ जना, बाग्लुङका १९ जना, स्याङ्जाका २६ जनामा कोरोना पुष्टि भएको हो । यो सँगै प्रदेश भरी संक्रमितको सङ्ख्या ६७ हजार१६३ पुगेको छ ।
यसै गरी पछिल्लो २४ घण्टामा प्रदेशमा विभिन्न अस्पतालमा उपचाररत ५ जनाको मृत्यु भएको छ ।कोरोना संक्रमणका कारण उपचारका क्रममा मृत्यु हुनेमा पोखरा–२७ का ६६ वर्षीय पुरुष, कास्कीको अन्नपूर्ण–४ की ८० वर्षीय महिला,मादी–५ की ४२ वर्षीय महिला, स्याङजा पुतलीबजार–१३ की ४३ वर्षीय महिला र पुतली बजारका अर्का ४३ वर्षीय कोरोना संक्रमित पुरुषको अस्पतालमा उपचारका क्रममा मृत्यु भएको हो ।
योसँगै गण्डकी प्रदेशमा कोरोना संक्रमणबाट मृत्यु हुनेको संख्या १ हजार ८८ जना पुगेको छ ।
