शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
दार्चुला । महाकाली नदीमा तुइन तर्ने क्रममा खसेर वेपत्ता भएका जय सिह धामीको घटनामा भारतीय पक्षले आफ्नो कुनै संलग्नता नभएको दावी गरेका छन ।
महाकाली नदीमा तुइन तर्ने क्रममा धामी आफै तुइन तरेपछी चिप्लिएर लडेको भारतीय पक्षको दावी छ ।
जिल्ला प्रशासन कार्यालय दार्चुलाले पत्रचार गरेपछी भारतका पिथौरागढ जिल्लाका अधिकारी आनम्द स्वरुपले दार्चुला जिल्ला अधिकारी सिद्दराज जोशीलाई पत्रचार गर्दै घटनामा भारतीय पक्षको कुनै संलग्ननता नरहेको र युवाको खोजीको लागी भारतीय एसएसवी बलको टोली तयारी अवस्थामा रहेको जवाफ दिएका हुन ।
शुक्रबार बिहान व्यास गाउँपालिका–२ स्थित मालघाटमा तुइनबाट नदी तर्ने क्रममा सोही गाउँपालिकाको मालका जयसिंह धामी खसेर महाकाली नदीमा बेपत्ता भएका थिए ।
प्रत्यक्षदर्शीले भारतीय एसएसबीले तुइनको डोरी काटेपछि धामी नदीमा खसेर बेपत्ता भएको बताउँदै आएका छन् ।
