शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
पर्वत । छोरीलाई बलात्कार गरेको अभियोगमा पर्वत जिल्ला प्रहरीले पीडितका बुवा र काकालाई पक्राउ गरेको छ।
जिल्ला प्रहरी कार्यालय पर्वतले दिएको जानकारीअनुसार आफ्नी छोरीलाई बलात्कार गर्ने ४४ वर्षीया बुवा र ३६ वर्षीय काकालाई प्रहरीले नियन्त्रणमा लिएको हो।
सोह्र वर्षकी किशोरी छोरीलाई गत वैशाख २ गते बुवा र साउन २३ गते काकाले बलात्कार गरेको प्रहरीले जनाएको छ।
बलात्कार गरेका बुवा र काकाविरुद्ध किशोरीका दाइले दिएको जाहेरीका आधारमा दुई जनालाई प्रहरीले पक्राउ गरेको प्रहरी निरीक्षक राजेन्द्र अधिकारीले जानकारी दिए।
घटनाको थप अनुसन्धान भइरहेको र पक्राउ परेकालाई जबर्जस्ती करणीअन्तर्गत जिल्ला अदालतमा मुद्दा दर्ता गरिएको प्रहरी निरीक्षक अधिकारीले जानकारी दिए। पक्राउ परेका र पीडितको नाम, ठेगानालगायतका विवरण गोप्य राखिएको छ।
