आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
बुटवल । रूपन्देहीमा दानव नदीमा आएको बाढीले जिल्लाका १५ घर बगाएको छ भने एक जना बेपत्ता भएका छन् ।
रोहिणी, ओमसतिया र कञ्चन गाउँपालिकाका १४ कच्ची र बुटवल उपमहानगरपालिका–१२ सिर्जनाटोलका हरि ढकालको चारकोठे पक्की घर भत्किएको हो ।
दानव नदीमा आएको बाढीले सम्मरीमाई गाउँपालिका–३ प्रिपहवाका २३ वर्षीय बब्लु लोधलाई बगाएर बेपत्ता बनाएको जिल्ला प्रहरी कार्यालयका प्रहरी नायब उपरीक्षक सत्यनारायण थापाले बताए ।
थापाका अनुसार लोध बिहान ५ बजे बाढीले बगाएका दाउरा बटुल्ने क्रममा बेपत्ता भएका थिए ।
रोहिणी, ओमसतिया, मर्चवारी, सम्मरीमाई, कञ्चनलगायत क्षेत्रमा बढी क्षति गरेको छ । त्यस क्षेत्रका करिब एक सय घरपरिवार विस्थापित भएका छन् । उनीहरूलाई सुरक्षित स्थानमा सार्ने काम जारी राखेको प्रहरी नायब उपरीक्षक थापाले बताए ।
तीन दिनदेखिको वर्षा अझै रोकिएको छैन । क्षति अझ बढ्ने आकलनका साथ जोखिमयुक्त ठाउँमा उद्धारकर्मी खटाइएको छ।
