शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
ओखलढुङ्गा । ओखलढुङ्गामा मोटरसाइकलको ठक्करबाट एक पैदलयात्रीको मृत्यु भएको छ।
मानेभन्ज्याङ गाउँपालिका वडा नम्बर ५ ताराबारीस्थित सिद्धिचरण राजमार्गमा मोटरसाइकलको ठक्करबाट एक जना पैदलयात्रीको मृत्यु भएको प्रहरीले जनाएको छ। मृत्यु हुनेमा सोही पालिका ओखरबोटकी ५० वर्षीया कर्ममाया मगर छिन्।
बुधबार बेलुका पौने ५ बजे ओखलढुंगा सदरमुकामबाट हर्कपुर जाँदै गरेको बा ३६ प ३५२२ नम्बरको मोटरसाइकलको ठक्करबाट गम्भीर घाइते भएकी उनको मिसन अस्पताल ओखलढुंगामा उपचारको क्रममा मृत्यु भएको जिल्ला प्रहरी कार्यालयले जनाएको छ।
मोटरसाइकल र चालक सोही स्थानका २१ वर्षीय रेवतबहादुर पुलामी मगर प्रहरी चौकी मानेभन्ज्याङको नियन्त्रणमा छन्।
घटना सम्बन्धमा थप अनुसन्धान अघि बढाएको प्रहरीले बताएको छ।
