- ट्रेण्डिङ :
पछिल्लो २४ घण्टामा १५११ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार १५ हजार १ सय ७९ जनामा गरिएको परीक्षण १५११ जना संक्रमित थपिएका हुन् ।
मन्त्रालयका अनुसार पछिल्लो २४ घण्टामा १६८९ जना संक्रमित निको भएर फर्किएका छन् भने ११ जनाको मृ-त्यु भएको छ । मन्त्रालयका अनुसार हाल देशभर २५७७२ जना सक्रिय संक्रमित रहेका छन् ।
"मोडर्ना र फाइजर खोप खरिदको बाटो खुल्यो"
औषधि व्यवस्था विभागले कोरोनाविरुद्धको मोडर्ना र फाइजर खोपलाई आपत्कालीन प्रयोगका लागि अनुमति दिएको छ । यी दुई खोपलाई बुधबार आपत्कालीन प्रयोगको लागि अनुमति दिएको औषधि व्यवस्था विभागले जनाएको छ ।
यो खोप सरकारले १८ वर्षभन्दा मुनिका बालबालिकालाई प्रयोग गर्ने तयारी गरेको छ । त्यस अनुसार स्वास्थ्य मन्त्रालयले सम्झौतासमेत गरिसकेको छ ।
६० लाख डोज फाइजर २०२२ को जनवरी र ४० लाख डोज मोडर्ना मार्चसम्ममा नेपाल आइपुग्ने व्यवस्थापन महाशाखाले जनाएको छ ।
फाइजरको लागि माइनस ६० देखि ८०(अल्टा कोल्ड चेन) डिग्री तापक्रम र मोडर्नाका लागि माइनस १५ देखि डिग्री तापक्रममा भन्डार गर्नुपर्ने हुन्छ ।
