शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
पोखरा । झण्डै साढे एक अर्ब रूपैयाँ कर छुट गरको मुद्दामा तत्कालिन कर फर्छ्यौट आयोगका सदस्य सचिव चुडामणि शर्मासँग विशेष अदालतले ५० लाख रुपैयाँ धरौटी माग गरेको छ ।
सोमबार विशेष अदालतका न्यायाधीशद्वय अब्दुल अजिज मुसलमान र नित्यानन्द पाण्डेयको इजलासले ५० लाख धरौटीमा शर्मालाई रिहा गर्ने आदेश दिएको हो ।
अदालतको आदेशसँगै शर्माले धरौटी रकम बुझाउने तयारी गरेका छन् । अख्तियार दुरुपयोग अनुसन्धान आयोगले शर्मासहित आयोगका अध्यक्ष लुम्बध्वज महत र सदस्य उमेशप्रसाद ढकालविरुद्ध मुद्दा चलाएको थियो ।
शर्मा आन्तरिक राजश्व विभागको महानिर्देशक रहेका बेला कर फर्स्यौट आयोग गठन भएको थियो । र, उनी आयोगको सदस्य सचिवले करदातालाई एक अर्ब, ३३ लाख २० हजार ३८५ रूपैयाँ कर छुट दिएको अख्तियारले अनुसन्धानमा भेटाएको थियो ।
२०७४ साउन १ गते पनि शर्मासहित आयोगका पदाधिकारीविरुद्ध विशेष अदालतमा मुद्दा दर्ता गराएको थियो ।
मुद्धा दर्ता भएको चार वर्षपछि विशेष अदालतले ५० लाख धरौटीमा रिहा गर्ने फैसला सुनाएको छ ।
सोमबार विशेष अदालतमा उपस्थित भएर उनले बयान दिएका थिए ।
बयानका क्रममा शर्माले आफूहरूले कानूनविपरीतको कुनै काम नगरेको दाबी पनि गरेका थिए ।
न्युज २४ बाट साभार
