म्याग्दीको बेनी नगरपालिका र मंगला गाँउपालिका ३ र ४ वडा जोड्ने मोटरबाटो र गाेरेटाे बाटाे स्थानीयको सक्रियतामा मर्मत सम्भार गरिएको छ ।
मंगला गाँउपालिका ३ र ४ वडा बरंजाका स्थानीयको जनश्रमदानमा हिजो २४ श्रावण २०७७ का दिन अर्जेखोला (सान्तुङ्ग) देखी वडा कार्यलय सम्म मर्मत सम्भार गरिएको गतिशिल युवा क्लवका सचिवशुबास श्रेष्ठले जानकारी दिएका छन ।
वर्षायाममा अविरल वर्षाका कारण कच्ची मोटर बाटोमा विभिन्न ठाउँमा पहिरो खसेर बाटो पुरिनुको साथै भारी वर्षा हुँदा अाएकाे भलले मोटर बाटो कटानी गर्दा केहीसमय देखि गाडी चल्न सकेको छैन ।
स्थानीयले भारी वर्षाका कारणले मोटर बाटोमा झरेको पहिरो पन्छाउनु को साथै भलले कटानी गरेको मोटर बाटोलाई मर्मत सम्भार र सरसफाइ गरेको हो । सरोकारवाला कसैले पनि चासो नदेखाए पछि स्थानीयहरुको सक्रियतामा मोटर बाटो मर्मत सम्भार गरिएको शुबास श्रेष्ठले बताएका छन ।अविरल वर्षाको कारण केही समय देखी खाद्यान्नका लागि ढुवानीका गाडी, बस, जीप समेत चलेकोछैन । गाउँमा उत्पादन भएका तरकारी, फलफुल, दुध लगायतका सामान बेनी नगरपालीका सम्मपुर्याउन पनि कठिन भएको स्थानीयको गुनासो छ ।
